Jump to content

పుట:2015.370800.Shatakasanputamu.pdf/485

వికీసోర్స్ నుండి
ఈ పుట అచ్చుదిద్దబడ్డది

532

భక్తిరసశతకసంపుటము


ఉ.

సీతను గూడి రాఘవుఁడు చిత్తజుకేలిని నోలలాడుచుం
బ్రీతిగనుండి రిద్దఱును బ్రేమను మించి సమానరూపులై
ఖ్యాతిగఁ దమ్ములందఱును గాంతలు గూడి సుఖంబు నొందియున్
సీతకు రామచంద్రులకు సేవలు చేయు ప్రసన్న...

189


చ.

దయగలవాఁడు రాఘవుఁడు ధన్యుఁడు రాముఁడు రాజ్య మేలఁగా
భయమును లేదు కల్మి యెడఁబాయదు సర్వవిధంపుభాగ్యముల్
ప్రియమును ధర్మము న్గలిగి ప్రేమఁ బెనంగి మహావిభూతులై
ప్రియసఖులున్ సఖీజనులు పేర్మిని గూడి ప్రసన్న...

190


ఉ.

అట్టిదయాపరుండవని యంజలిఁ జేసితి నన్నుఁ గావుమీ
గట్టిగ లేదు పొమ్మనక కంజదళాక్ష కటాక్ష ముంచుమా
పట్టిననాదుదుర్దశలఁ బాఱఁగఁగొట్టి భయంబు దీర్చుమా
చుట్టము లేదు ని న్విడువఁ జుట్టము నీవె ప్రసన్న...

191


ఉ.

దాసజనానుపోష ఫలదాయక పాయక రావె కావవే
యీసమయాన నీకరుణ యించుక నిల్పుము జాగు సేయకన్
దాసులదాసదాసుఁడను ధన్యునిగా ననుఁ జేయు వేగమే
మాసరివారిలో మిగుల మన్నన నిమ్ము ప్రసన్న...

192