Jump to content

పుట:2015.370800.Shatakasanputamu.pdf/479

వికీసోర్స్ నుండి
ఈ పుట అచ్చుదిద్దబడ్డది

526

భక్తిరసశతకసంపుటము


కప్పురగంధి దోడుకొని గ్రక్కున వచ్చె విభీషణాదులున్
దెప్పుగఁ జూచి రాఘవులు తెంపుగ మాటలనాడె లక్ష్మణా
చెప్పుము సీత నగ్నిఁ జొర సీతయుఁ బూనె ప్రసన్న...

165


ఉ.

రామునిచిత్తముం దెలిసి రంజిలునగ్నిని సీత చొచ్చియున్
భామను వీతిహోత్రుఁడును బట్టె గరంబులఁ దెచ్చి యప్పుడే
స్వామికి నప్పగించినను సంభ్రమమందిరి దేవదానవుల్
ప్రేమతొఁ గన్నతండ్రి మునిపీఠముఁ జొచ్చె ప్రసన్న...

166


ఉ.

వచ్చినవారికందఱికి వంద నమప్పుడు చేసె రాముఁడు
న్వచ్చినవారు సీతకును వారకబుద్ధులు సెప్పి రెంతయున్
ముచ్చటదీఱ నాముదిత మోదమునం దరిఁ జేర్చి యప్పుడే
సచ్చరితుండు రాఘవుఁడు సమ్మతి నుండె ప్రసన్న...

167


ఉ.

వేగ మయోధ్యఁ జూడవలె వేకువ లేచియు మూఁడునాళ్లకున్
ఏగతిఁ జేరవచ్చు నన నిష్టముతోడ విభీషణుం డనున్
పోఁగలయట్టిపుష్పకము పూర్వమునుండియు నున్న దిచ్చటన్
శ్రీగలభాగ్యశాలి యది శీఘ్రము చేరు ప్రసన్న...

168


ఉ.

తెమ్మని రామచంద్రుఁడును దెచ్చి విభీషణుఁ డంత వేడుకన్
సమ్మతి సీత రాముఁడును సైన్యము లక్ష్మణుఁ డేగ నంతయున్...