Jump to content

పుట:2015.370800.Shatakasanputamu.pdf/457

వికీసోర్స్ నుండి
ఈ పుట అచ్చుదిద్దబడ్డది

504

భక్తిరసశతకసంపుటము


చ.

పిడుగులవంటి మాటలకుఁ బిమ్మటఁ బో యటు రాజశేఖరుం
డుడుగక తాఁ జలించె మఱి యొప్పుగ నిప్పులఁ గ్రాఁగురీతిగా
నడవడివించు రాఘవుఁడు నా కిది ధర్మము నీతిమార్గమున్
బడి యడవిం జరింప నగుపద్ధతి యంచుఁ బ్రసన్న...

77


ఉ.

తల్లికి ముందుగాను బినతల్లికి దండము పెట్టి కన్నులన్
గొల్లున నేడ్వఁగా నపుడు ఘూర్ణిలుచున్నది యేమి సేతు నే
నొల్లను రాజ్యభోగముల నోరిమి వచ్చెదఁ బాయలేను నా
తల్లడమంద నాకొడుక తాళఁగఁజాల ప్రసన్న...

78


ఉ.

సత్యము దప్పరాదు జనసంఘసుతా మఱి చింత యేల నా
నిత్యపరాక్రముండు మదినిశ్చలతన్ వర మిచ్చినప్పుడే
సత్యము తండ్రివాక్యముకు సమ్మతినొందినవాఁడె పుత్రుఁడున్
సత్యము శీలమౌ పురుషసన్నిధినుండఁ బ్రసన్న...

79


ఉ.

ఒక్కఁడె రాముఁ డావనము నొందుటఁ జూచియు లక్ష్మణుండు దాఁ
గ్రక్కున తర్లగా మఱియుఁ గంజదళాక్షియు సీత పైనమై
యిక్కడ నేమి నాకుఁ బతి యెక్కడనుండిన నక్క డుండెదన్
జక్కనివార్త కాంతుకడ సాధ్వి మెలంగ ప్రసన్న...

80