Jump to content

పుట:2015.370800.Shatakasanputamu.pdf/393

వికీసోర్స్ నుండి
ఈ పుట అచ్చుదిద్దబడ్డది

388

భక్తిరసశతకసంపుటము


క్కేడ దయాపయోధి నని యెన్నితి నాదుమొ ఱాలకించు మె
గ్గాడకు మంచు మ్రొక్కి మనసా హరి...

54


చ.

అతులితవర్ణిచర్యల గృహస్థమనీషలఁ గానకాంతర
స్థితమితవృత్తులం దతివిశేష విధంబుల ముక్తి గల్గునే
వితతదయాపయోధి యగువిష్ణునిఁ గోరి భజించువారి కా
యతముగఁ గల్గినట్లు మనసా హరి...

55


ఉ.

తమ్ముల మీరు సౌరుకనుదమ్ములు సోమునిఁ గేరుమోము కుం
దమ్ములచాలుఁబోలురదనమ్ములు నద్దపుమేను పద్మరా
గమ్ములడాలు నేలుపదకంజములుం గలతమ్మికంటి సౌ
ఖ్యమ్ము లొసంగు నీకు మనసా హరి...

56


చ.

గరళముఁ బ్రామి చన్గుడుపుకామిని కిచ్చెను మోక్ష మాసభాం
తరమున నెగ్గులాడినఁ బదంపడి వానికి నైక్య మిచ్చె భీ
కరగతిఁ బట్టి మ్రింగుభుజగంబున కిచ్చెను మర్త్యరూప మా
చరితము లెన్నఁగల్గు మనసా హరి...

57


ఉ.

హెచ్చగుగట్టు మోసి యలయింపక ప్రాణులఁ బ్రోచినాఁడు తా
నిచ్చను గొల్చుపాండవుల కేర్పడ రాజ్య మొసంగినాఁడు కా
ర్చిచ్చును బట్టి మ్రింగి నిజసేవకులన్ బ్రతికించినాఁడు నీ
వచ్చపుభక్తి గల్లి మనసా హరి...

58