Jump to content

పుట:2015.370800.Shatakasanputamu.pdf/390

వికీసోర్స్ నుండి
ఈ పుట అచ్చుదిద్దబడ్డది

మానసబోధశతకము

385


ఉ.

వెన్న కరంబునం గలుగ వెఱ్ఱిగ నేతికి నేగినట్లు లో
న న్నెలకొన్న వెన్నుని గనంగ నపేక్ష యొకింతలేక యా
పన్నత నన్యులం గొలిచి పందలఁగూడక జ్ఞానదృష్టి భా
స్వన్నలినాక్షుఁ గోరి మనసా హరి...

42


ఉ.

బూరుగుమ్రాను గాంచి భ్రమనొంది నశించుశుకంబుమాడ్కి సం
సార మపార మంచుఁ గనఁజాలక నీచులఁ గోరి కొల్చి నే
నూఱక మోసపోయి తయయో యని వంతల నొంద నేల వే
సారకముం దెఱింగి మనసా హరి...

43


చ.

మొదలను గర్భవేదనల మూర్ఛిలుదుఃఖము పుట్టి భూమిపై
మెదలఁగ బాల్యదుఃఖ మటమీఁద వయస్సున కామదుఃఖ మ
య్యదనునిసంసృతిం బొరలు నంతట మృత్యువుచేత దుఃఖమౌ
నది దలపోసి చూచి మనసా హరి...

44


ఉ.

ఎందఱు దేవతల్ చనిరొ యెందలు తాపసు లట్టె భ్రష్టులై
రెందఱు రాజు లేగిరొ మఱెందఱు యోగులు జోగులైరొ గో
విందునిపాదపద్మములు వీడనిభక్తి భజింప నేర కా
చందము నొంద కీవు మనసా హరి...

45


ఉ.

గోవు లనేకవర్ణములఁ గ్రుమ్మఱఁ బా లొకటైనభంగి నా