Jump to content

పుట:2015.370800.Shatakasanputamu.pdf/353

వికీసోర్స్ నుండి
ఈ పుట అచ్చుదిద్దబడ్డది

సీ. రాధావధూటి నిరంతరప్రేమాతి
               శయభవదర్పితస్వాంత యగుచు
     దధిరిక్తమైనట్టిపృథులకుంభమున
               మంథదండంబుఁ బల్మారు పూని
     తఱచఁగ నీవును దత్కుచస్తంభచం
               చలలోలదృష్టిచే నలరి ధేను
     దుగ్ధదోహనమునకై తొడరి యాఁబోతును
               బిదుకంగఁ బోవుట విదితమయ్యె
గీ. నౌర విహ్వలచిత్తులై యలరినట్టి
     యుభయమోహంబు లెంతనియభినుతింతు
     సురుచిరాకార ఉన్నవపురవిహార
     రాజగోపాల రాధామనోజఖేల.58
సీ. యమునాతటంబున నమరంగ నొకరాత్రి
               నవ్యమాధుర్యగానంబు సేయ
     వినిగోపకాంతలు విహ్వలస్వాంతలై
               పతులను సుతులను బరగ విడిచి
     వచ్చి భవన్ముఖవనజంబు బొడగాంచి
               విరహాగ్నితప్తలై వేఁడుకొనినఁ
     గరుణించి యాఘోషకామినీజనముల
               కన్ని రూపములఁ బ్రియం బొనర్చి
గీ. రాచకేళిని దేల్చినప్రాభవంబుఁ
     జూచి వర్ణింపఁగాఁ దమ్మిచూలివశమె
     సురుచిరాకార ఉన్నవపురవిహార
     రాజగోపాల రాధామనోజఖేల.59