సీ. పొరుగూరఁ జల్లమ్మఁబోయినగొల్లయి
ల్లాండ్రను ద్రోవలో నడ్డగించి
వనితలారా మీకు వల్లభు లెవ్వార
లెందుండుదురు మీర లేకతమునఁ
జిక్కితిరిఁక నేమిచేతురు నాతోడ
మదనకేళికి రండు ముదముతోడ
ననుచు జంకించి యవ్వనరుహనయనలఁ
బొదరిండ్లలోఁ దార్చి భూరిసత్వ
గీ. శాలివై యందఱికి నన్ని చందములను
నల్లపని చేసి విడిచినబల్లిదుఁడవు
సురుచిరాకార ఉన్నవపురవిహార
రాజగోపాల రాధామనోజఖేల.52
సీ. కౌతుకంబున ఘోషకాంతలు యమునాన
దీజలకేలిని దేలుచున్న
సమయంబుఁ జూచి వేచని వారివస్త్రంబు
లన్నియు గొనిపోయి పొన్న యెక్క
నతివ లంశుకవిహీనాంగనలై లజ్జించి
యతనుమందిరముల హస్త మిడుచు
వలువలిమ్మని వేఁడ వనితలారా చేతు
లెత్తి మ్రొక్కినఁ జీరలిత్తు ననుచు
గీ. కీరవాణులచేత మ్రొక్కించుకొనుట
యెంత వింతని నే విన్నవింతు నౌర
సురుచిరాకార ఉన్నవపురవిహార
రాజగోపాల రాధామనోజఖేల.53
పుట:2015.370800.Shatakasanputamu.pdf/350
ఈ పుట అచ్చుదిద్దబడ్డది