సీ. ఎలమి సత్రాజిత్తునిల్లుఁ జూడఁగఁబోయి
యలశమంతకమణి కాసపడుట
మణి ప్రసేనుండు ప్రేమను గొనిపోవఁగా
నీవు మానవులచే నిందపడుట
జాడపట్టుకపోయి జాంబవతుం డున్న
గుహఁ జొచ్చి యాతనిమార్కొని నిలుచుట
ఆభల్లుకేశ్వరుం డాత్మజాతను మణిఁ
దెచ్చియిచ్చిన బ్రీతిఁ బుచ్చుకొనుట
గీ. తెలిసి యపవాద మెల్లను దీర్చుకొనుట
చెలఁగి చాటుదు నన్ను రక్షింపకున్న
సురుచిరాకార ఉన్నవపురవిహార
రాజగోపాల రాధామనోజఖేల.28
సీ. కేళికిఁగలియక చాలఁ గోపించిన
యాలికి మ్రొక్కినబేలుఁదనము
వెలఁదిమాతలువిని యలకల్పవృక్షంబు
నిలకుఁ దెచ్చినయట్టిబలిమికలిమి
నరకాసురుని జూచి వె!రచి యాసత్యకుఁ
జేసాచి విల్లిచ్చుకోఁచదనము
కారియఁ బడియున్నకన్యకాషోడశ
సాహస్రములమీఁద మోహపడుట
గీ. గొల్లయిల్లాండ్రమానముల్ కొల్లగొనుట
చెలఁగి చాటుదు నన్ను రక్షింపకున్న
సురుచిరాకార ఉన్నవపురవిహార
రాజగోపాల రాధామనోజఖేల.29
పుట:2015.370800.Shatakasanputamu.pdf/336
ఈ పుట అచ్చుదిద్దబడ్డది