సీ. పాలకడలి వటపత్రశయనుఁడ వై
యోగనిద్రాముద్ర నొందియుండి
నను శేషఫణిరాజఘనఫణామండల
సింహాసనంబునఁ జెలఁగియున్న
గరుడవాహనమెక్కి మురియుచు లోకముల్
దిరుగంగఁ బోయిన వరమునింద్ర
హృదయాంతరంబుల నొదిగి తారుండిన
సూర్యమండలమునఁ జొచ్చియున్న
గీ. నన్ను రక్షింపకున్న వెన్నంటివచ్చి
పట్టి సాధింతు నీబంటుపంత మిటుల
సురుచిరాకార ఉన్నవపురవిహార
రాజగోపాల రాధామనోజఖేల.22
సీ. తల్లిదయాహీనతను జన్నియనివార్త
యెఱిఁగి పొర్గింటను బెరుగుటయును
దానవిచనుబాలు త్రావి జీవించుట
దొంఇగ్లి వెన్నలు మ్రింగుటయును
జాలరోసి యశోద ఱోలఁ గట్టినసుద్ది
ముద్దులు గూల్చినపెద్దఱికము
గొల్లభామలకట్టుకోఁక లెత్తుకపోయి
పొన్నమ్రానెక్కినపిన్నతనము
గీ. పసులకాపరి వైనట్టిపలుచఁదనము
చెలఁగి చాటుదు నను రక్షింపకున్న
సురుచిరాకార ఉన్నవపురవిహార
రాజగోపాల రాధామనోజఖేల.23
పుట:2015.370800.Shatakasanputamu.pdf/333
ఈ పుట అచ్చుదిద్దబడ్డది