Jump to content

పుట:2015.370800.Shatakasanputamu.pdf/324

వికీసోర్స్ నుండి
ఈ పుట అచ్చుదిద్దబడ్డది

సీ. వందన మిందిరాసుందరీహృదయార
               విందానుషంగమిళింద నీకు
     వందన మమృతాశిసందోహసన్నుత
               మందరధరణ గోవింద నీకు
     వందన ముజ్జ్వల నందకహతదైత్య
               బృంద త్రయీమూలకంద నీకు
     వందన మాత్మజకందర్ప దేవకీ
               వందన స్తుతముచుకుంద నీకు
గీ. ననుచు సద్భక్తిపూర్వకమున వచించు
     మనుజులకు ముక్తి కరతలామలక మగును
     సురుచిరాకార ఉన్నవపురవిహార
     రాజగోపాల రాధామనోజఖేల.4
సీ. యదుకులవార్ధి రాకామృతకిరణాయ
               భవహరణాయ తుభ్యం నమో౽స్తు
     గగనధునీజన్మకారణచరణాయ
               యగధరణాయ తుభ్యం నమో౽స్తు
     కమనీయమౌరళీగానప్రవీణాయ
               భద్రగుణాయ తుభ్యం నమో౽స్తు
     కస్తూరితిలకాయ కౌస్తుభాభరణాయ
               భర్మచేలాయ తుభ్యం నమో౽స్తు
గీ. పంకరుహలోచనాయ తుభ్యం నమో౽స్తు
     భక్తసంరక్షణాయ తుభ్యం నమో౽స్తు
     సురుచిరాకార ఉన్నవపురవిహార
     రాజగోపాల రాధామనోజఖేల.5