Jump to content

పుట:2015.370800.Shatakasanputamu.pdf/269

వికీసోర్స్ నుండి
ఈ పుట అచ్చుదిద్దబడ్డది

     శుభకరధవళాంగశోభచే దనరారి
               రేవతీరమణాంక రీతిమీరి
     సద్బలభద్రప్రశస్తిచేఁ జెన్నొంది
               ఘనతరామాకృతిని జెలంగి
గీ. చంద్రుఁ డన భూజనాహ్లాదసరణి మీఱు
     నిన్నుఁ గొనియాడదరమె వాఙ్నేతకైన
     నతులసంకర్షణస్వరూపాభిరామ
     వైరిహరరంహ! సింహాద్రి నారసింహ!98
సీ. నీమహామహిమ వర్ణింపఁగాఁ దరమౌనె
               ఫణిపతికైన వాక్పతికినైన
     సకలలోకంబులు జననంబు నొందింప
               రక్షింప శిక్షింప రాజ వీవ
     యఖిలజగత్కంటకాకృతి నుగ్రులౌ
               త్రిపురరాక్షసుల మర్దించుకొఱకుఁ
     తద్వధూనికరవ్రతంబులు భంజించి
               దుష్టసంశిక్షయు శిష్టరక్ష
గీ. జేయఁగా బుద్ధమూర్తి ప్రసిద్ధిఁగన్న
     యతులకారుణ్యమూర్తి ని న్నభినుతింతు
     నీపదంబులపై భక్తి నిలుపఁజేయు
     వైరిహరరంహ! సింహాద్రి నారసింహ!99
సీ. అయ్యారె! నెమ్మెము నొయ్యారమౌ భళీ!
               నిక్కువీనులు ముక్కు చక్కఁదనము
     ఔర కైజామోర! యల్లార్చునుద్ధతి
               సేబాసు రొమ్ములో జిగిబెడంగు