సీ. గాధేయయజ్ఞవిఘ్నకరాసురావళి
జక్కు జేసినయట్టి శౌర్యనిధివి
పరవీరభీకర పరశురాముని పరా
క్రమము బెండుగఁ జేయు ఘనభుజుఁడవు
పదునాల్గువేల దుర్మదరాక్షసులతోడ
ఖరునిమర్దించిన వరబలుఁడవు
బంతులాడినరీతిఁ బంక్తికంఠుని తల
ల్ఖండించు చండప్రచండరుతివి
గీ. నీకు నొక దొడ్డకార్యంబె? నీచయవన
సేన నిర్జించుపని ప్రజ ల్సేసికొనిన
కర్మమున నీదుచిత్తంబు కరఁగదాయె
వైరిహరరంహ! సింహాద్రి నారసింహ!62
సీ. కోటిసూర్యోజ్జ్వలత్కోటీరమణులతో
రమణీయమణికుండలములతోడ
శంఖచక్రాగదాసిశార్ఙాయుధములతోఁ
బ్రస్తుతప్రభఁగౌస్తుభంబుతోడ
వలిపె బంగరువల్వ వలెవాటు నీటుతోఁ
బొక్కిలి తామరపువ్వుతోడ
గంగను గన్న చక్కని పదాబ్జములతో
మిసిమి చామనచాయ మేనితోడఁ
గీ. బక్కిగుఱ్ఱంబుమీఁదను నెక్కి నాదు
మ్రొక్కుఁ గైకొని శౌర్యంబు పిక్కటిల్ల
నొక్కట యవనరాట్సేన చిక్కుసేయు
వైరిహరరంహ! సింహాద్రి నారసింహ!63
పుట:2015.370800.Shatakasanputamu.pdf/251
ఈ పుట అచ్చుదిద్దబడ్డది
