సీ. మొగిసి రక్కసుని బొండుగఁ జించు నీగోళ్ళు
చితిలెనో సిరికుచశిఖరిఁ దాకి
యరులపై భగభగలాడు కోపజ్వాల
లారెనో శ్రీకటాక్షామృతమునఁ
బరవీరగర్భము ల్పగిలించు బొబ్బప
ల్కదో రమానందగద్గదికచేత
ఖలుల దండింపగాఁ గఠినమౌ నీగుండె
కరఁగెనో శ్రీలక్ష్మి సరసకేళి
గీ. నహహ! నీభీకరోద్వృత్తి నల్పు లనక
యవనరాజుల నడఁచివ్రేయంగవలయుఁ
పిన్నపామునకైనను బెద్దదెబ్బ
వైరిహరరంహ! సింహాద్రి నారసింహ!6
సీ. పొదలలో డాగెనో పొట్నూరులో నున్న
రమణీయకోదండ రామమూర్తి
యెక్కడికేగెనో యెఱుగంగరాదుగా
పటుభీమసింగి గోపాలమూర్తి
సాధ్వసోద్వృత్తి నెచ్చటికేగియుండెనో
జామి నార్దన స్వామిమూర్తి
యెన్నిపాట్లను బడుచున్నాడొ చోడవ
రంబులో గేశవరాజమూర్తి
గీ. నిబిడ యవనుల భయశంక నీవు నింక
పరుల కగపడకుండుమీ పక్కనున్న
గాయ మిప్పటికిని మానదాయె నయయొ!
వైరిహరరంహ! సింహాద్రి నారసింహ!7
పుట:2015.370800.Shatakasanputamu.pdf/223
ఈ పుట అచ్చుదిద్దబడ్డది
