గరభూమిన్ ఘనవైరివీరతతులన్గారించుచున్ ద్రుంచి యి
ద్ధరకు న్నగ్రజు రాజుఁ జేసియు తుదిన్ దా నీకృపంబాయఁడే
సరిపోదే భువి నింద్రసూనుధృతి కృష్ణా! దేవకీనందనా!50
మ. అమరు ల్పద్మజువ్రాతఁదాఁటి యిపుడొక్కబ్దంబు పెద్దయ్య దు
ర్దమ దోర్దండపటుప్రతాప నిజసంరంభామరానీక వి
క్రమ దుర్వారగజాసురప్రళయ మింకం జేయ ఫాలాక్షునిన్
సమరక్షోణి జయించె నర్జునుఁడు కృష్ణా! దేవకీనందనా!51
శా. అక్రూరాత్మకు లైన పాండవుల బాహశక్తియున్ ధాత్రి ని
ర్వక్రంబయ్యెడునట్లు జేతు ననుచున్ వాత్సల్య మింపొంద నా
శక్రాత్మోద్భవు తేరిపై దురమునన్ సారథ్యముం జేసితౌ
చక్రీ నీమునికోలకున్ జయము కృష్ణా! దేవకీనందనా!52
శా. గంభీరంబుగ రాయభారగరిమన్ గౌంతేయుకార్యార్థమై
శుంభల్లీలల ధార్తరాష్ట్రుసభఁ దామూహించి తద్వాక్యము
ల్సంభాషింపఁగ వా రవజ్ఞ దలఁపన్ సర్వంబు నీవైనచో
శంభుండేయెఱుఁగున్ భవన్మహిమ కృష్ణా! దేవకీనందనా!53
శా. ఏలావిద్యలు సొంపు రూపవిభవం బేలా కులీనత్వమున్
శీలత్వంబును నేల యేటికి వచశ్శ్రీ యేల బాహాబలం
పుట:2015.370800.Shatakasanputamu.pdf/152
ఈ పుట అచ్చుదిద్దబడ్డది