పల వర్తించుచునుండి వీటఁ గల గోపస్త్రీలనెల్లన్ గడుం
బలిమిన్ బట్టి రమించినాఁడవు భళీ ప్రాజ్ఞుండ వీవౌదు భూ
స్థలి నీవేకద కొంటెదేవరవు కృష్ణా! దేవకీనందనా!12
మ. పొలుపొందన్ నడిరేయిఁ గుక్కుట రవంబుల్ చూపి గోపాలకా
వళి విభ్రాంతులఁ జేసి మందలకునై వారేఁగఁ దత్కామినీ
కలనాయత్నము తామ్రచూడగతులన్ గావించి నీకీర్తి ర
చ్చల కెక్కెం గడుగొయ్యదేవరవు కృష్ణా! దేవకీనందనా!13
మ. అనిరుద్ధాచ్యుత యీశకేశవ ముకుందాధోక్షజోపేంద్రవా
మన దామోదర చక్రపాణి హలి రామా శౌరి శార్ఙ్గీ జనా
ర్దన పీతాంబర భక్తవత్సల నమో దైత్యారి వైకుంఠవా
స నృసింహాంబుజనాభ ప్రోవు ననుఁ గృష్ణా! దేవకీనందనా!14
మ. ఇల గోవర్ధన మెత్తితీ వనుచు బ్రహ్మేంద్రాదు లెంతో నినుం
బలుమారున్నుతులొప్పఁ జేసెదరు పద్మాక్షా కుచాగ్రంబునం
జులకన్నెత్తిన రాధనెన్న రిదిగో సొంపొంద సత్కీర్తి ని
శ్చలపుణ్యంబునఁ గాక చొప్పడునె కృష్ణా! దేవకీనందనా!15
శా. మౌళిం బింఛపుదండ యొప్పుగ నటింపంగౌను శృంగారపున్
శ్రీ లెంచంగను పిల్లఁగ్రోవి రవమున్ జేకోలమున్ జెక్కుచున్
పుట:2015.370800.Shatakasanputamu.pdf/143
ఈ పుట అచ్చుదిద్దబడ్డది