ఈ పుట ఆమోదించబడ్డది
346
సౌగంధిక ప్రసవాపహరణము
శరలాఘవ స్ఫూర్తి సాహస ప్రతిభ
సరిసన్నవాడ వఝ్ఝారె మాయన్న
మెచ్చితి నిను మేలు మేలు కిరీటి
పొచ్చంబుగా దొకబుద్ధి చెప్పెదను
కచ్చుకపడి యీడుగాని కయ్యంబు
విచ్చలవిడినేయ వెర్రితనంబు
మచ్చరంబున నన్ను మార్కొనవలదు
తచ్చనల్ సాగు విత్తరిని వేవేగ
వచ్చినయట్టి మీవారును నీవు
విచ్చేయుఁ డనిన నవ్విజయుఁ డిట్లనియె
ఓరాజరాజ! నాదొక విన్నపంబు
వేరె చిత్తములేక వినుఁడు తెల్పెదను
నీరకర్మమునకు వెరచువారలకు
మీరు చెప్పినబుద్ధి మిక్కిలి నిజము
సమధికభీకరసమరరంగముల
మిమువంటి ఘనులతో మెలఁగెడివాఁడ
నిలవేళనాకు నింతింతయు నొకటి
యిలదొడ్డ కొంచెమే నెన్నఁడుఁ జూడ
