పుట:సింహాసన ద్వాత్రింశిక (కొరవి గోపరాజు).pdf/542

ద్వాదశాశ్వాసము

481

క.⁠

సన్మునిహృదయారాధితుఁ జిన్మూర్తిఁ గృపావిశేష శేషాభరణు న్మన్మథమదగజకేసరి జన్మజరామృత్యురహితు సర్వేశ్వరునిన్.

⁠ 75

క.⁠

డెందంబునఁ దలపుచు సం క్రందనమణిపీఠ మెక్కఁ గడఁగెడునెడ నా కందువ నిలిచిన బొమ్మ వె సం దిన్ననినగవుతోడ జనపతిఁ బలికెన్.

⁠ 76

చ.⁠

వలదన నేల యిట్టి దురవస్థలఁ బొందఁగ నేల నీకు భూ తలమున విక్రమార్కుగతి ధర్మము సత్యము సాహసంబు ని శ్చలముగ నిల్పలేని మనుజప్రభుఁ డీదెస మెట్టఁజూచినం దలఁపులు నిష్ఫలంబు లగుఁ దత్త్వ మెఱుంగని బుద్ధి నిన్నిటన్.

⁠ 77

చ.⁠

అతని గుణక్రమం బెఱుఁగు మయ్య భుజాబలభీమసేనుఁ డా తతరణకౌశలార్జునుఁడు ధర్మయుధిష్ఠిరుఁ డార్తరక్షణా చ్యుతుఁడు కృపాదిలీపుఁ డరిసూదనభార్గవుఁ డర్థబోధవా క్పతి విభవామరేంద్రుఁ డనఁగా నఁత డుజ్జయినీపురంబునన్.

⁠ 78

చ.⁠

క్రతువు లనేకము ల్నడిపి గౌరవ మేర్పడ నుర్వి సప్తసం తతులును నిల్పి వేదనినదంబులు విప్రగృహంబులందు సం తతముఁ జెలంగ దీను లతిదానముల న్నెగడంగ ధర్మసం గతి మెఱయించె రాజసవికారము లెవ్వియుఁ జెందకుండఁగన్.

⁠ 79

చ.⁠

కఱవులపే రడంచి యుదకంబుల నెప్పుడు నర్ణవాకృతిం జెఱువులు నిండియుండఁ దమసీమలఁ దప్పక నాల్గుజాతులుం దఱచుగ ధర్మము ల్నెఱపఁ [1]దస్కరజారుల నప్రమత్తత న్మెఱయఁగనీక సజ్జనులు మెచ్చఁగ శాశ్వతకీర్తికాముఁడై.

⁠ 80

1. దస్కరజాతుల