పుట:సింహాసన ద్వాత్రింశిక (కొరవి గోపరాజు).pdf/526

శ్రీరస్తు

సింహాసనద్వాత్రింశిక

ద్వాదశాశ్వాసము

క.⁠

శ్రీపరిరంభణసమయ ప్రాపితనవకుంకుమాంక భాసుర నిజదే హోపమితసాంద్రనీరద రూపు న్సురవిమతనిహితరోషాటోపున్.

⁠ 1

చ.⁠

హృదయమునం దలంచి ధరణీశుఁడు క్రమ్మఱ నొక్కవేళ నా త్రిదశవరాసనంబున కతిప్రమదాస్పద మైనరాజ్యసం పద నరుదేరఁగా నతని భావము గల్గొని యల్ల నవ్వుచుం దదనుమతంబు మాన్పి విదితంబుగ నచ్చటి బొమ్మ యిట్లనున్.

⁠ 2

ముప్పదియొకటవ బొమ్మకథ

క.⁠

ముప్పదిమాఱులు క్రమ్మఱి యప్పుడ చనుదెంచినాఁడ వాతనికథ లి ట్లొప్పుగదా యిఁకనొకకథ చెప్పెద నీచేఁత నీకుఁ జెల్లదు చుమ్మీ.

⁠ 3

ఉ.⁠

సజనరక్షణోన్నతవిశాలభుజాయుగళుండు సర్వసం పజ్జితకిన్నరేశ్వరుఁ డపారభటోద్భటవైరిమేదినీ భృజ్జలజక్షపాకరుఁడు భీమబలాడ్యుఁడు విక్రమార్కుఁ డా యుజ్జయినీపురంబున గుణోర్జితుఁడై ధరయేలుచుండఁగన్.

⁠ 4