పుట:సింహాసన ద్వాత్రింశిక (కొరవి గోపరాజు).pdf/487

428

సింహాసన ద్వాత్రింశిక

ఆ.⁠

జేసి కంఠరక్తసిక్తంబు బలియిచ్చు జనులకోర్కు లెల్ల శక్తి యిచ్చు నమ్ముఁడనుచు శాసనము వ్రాసియున్నది [1]యచటియాత్ర సేయ నరుగ మకట.

⁠ 155

క.⁠

అని పలుకఁగ వృత్తాంతము విని విక్రమభూషణుండు విస్మితుఁడై వా లును మగతనముం దోడుగఁ జనియె న్మునుచనిన సవ్యసాచికి నెనయై.

⁠ 156

చ.⁠

అట చని కాంచె భూమివరుఁ డర్జునసిద్ధితపోనుకూలముం గుటిలకిటిద్విపారిమదకుంజరసేవితసానుమూలముం జటులగుణచ్ఛటారటితసంయమిరక్షణపుణ్యశీలముం గటకమణిద్యుతిప్రకటకందరకూలము నింద్రకీలమున్.

⁠ 157

చ.⁠

కని గిరిమీఁద నున్న గుడికందువకుం జని యందుఁ దీర్ఘమ జ్జన మొనరించి వచ్చి కొనసాగఁగ దేవికి భైరవాదికం బునకుఁ బ్రియంబు సేయఁ దనమూర్తి వధింపను వేడ్క ఖడ్గ మె త్తినఁ గరుణాప్రసన్న యయి దేవత యాతని నడ్డపెట్టుచున్.

⁠ 158

ఉ.⁠

ఇచ్చకు వచ్చినట్టివర మేమట వేఁడుము కా దనాక నీ కిచ్చెద నన్న [2]భూమివరుఁ డీవు ననుం గరుణించితేని యే యొచ్చెముఁ జూడ కాడుచును నోడుచు నిర్ధనుఁ డౌచునున్న యా దిచ్చున కెల్లకాలము నతిద్రవిణం బొసఁగం దలంపుమా.

⁠ 159

క.⁠

అని వేఁడి యతని కర్థము తనియఁగ నిప్పించి సమ్మదంబునఁ బురికిం

⁠

1. యచటఁ జూడఁబోద మనుచు నిట్లు
2. నాకువలయేశ్వరుఁడుం గరుణించితేని