పుట:సింహాసన ద్వాత్రింశిక (కొరవి గోపరాజు).pdf/459

398

సింహాసన ద్వాత్రింశిక

క.⁠

కృత్యాకృత్యవిచారము నిత్యోచితదాన మాత్మనియమము బుధసాం గత్యము పరోపకారము సత్యము వినయంబు నయము జరపఁగవలయున్.

⁠ 15

ఉ.⁠

ఈకొలఁదిం దదంగము లనేకవిధంబుల నుండు నన్నియు న్నీకడ నొప్పుచున్న వవనీవర నావుడు విద్యలందుఁ బ్ర త్యేకసమర్థుఁడైన నృపుఁ డిప్పటియేఁటి ఫలంబుఁ జెప్పుమా నా కని యానతిచ్చిన మనంబున నాద్విజుఁ డుత్సహించుచున్.

⁠ 16

మ.⁠

మహిమాఖండలుఁ డంచు భూజనులు సంభావింప నీ వింపుతో మహిఁ బాలించుచుఁ బుణ్యకృత్యముల ధర్మద్రవ్య మార్జింపఁగా గ్రహదోషంబులు పుట్ట వట్లయిన నోరాజేంద్ర యీయేఁట దు స్సహపాపగ్రహసంభవం బగునతిక్షామంబు వర్తిల్లెడిన్.

⁠ 17

ఉ.⁠

అక్రమ మాచరించి విను మర్కతనూజుఁడు తొల్లి యున్న యా శుక్రునిరాశిఁ[1] దా విడుచుచు న్శకటాకృతి నున్న రోహిణీ చక్రము దూఱి మంగళునిసద్మము చేరఁ గడంగి యేఁటిలో వక్రగతిం జరింపఁగ నవర్షణమై చనుఁ గొన్నివర్షముల్.

⁠ 18

క.⁠

పఱిపఱి నిల పఱియలుగా [2]నెఱిసిన వనపంక్తు లెండ నిరుపమమగు నా వఱపునఁ బండ్రెండేడులు కఱ విఁక నతిదుస్తరంబు గాగల దధిపా.

⁠ 19

చ.⁠

అనవుడు దీని కడ్డపడునట్టి యుపాయము గల్గెనేని నా యను వెఱిఁగింపు మన్న వసుధామరతృప్తియె కారణంబుగా

⁠

1. శుక్రుని డాసి
2. నిరిసిన వనపంక్తు లెండనెడ త్రెవ్వని (నెడతప్పని)