పుట:సింహాసన ద్వాత్రింశిక (కొరవి గోపరాజు).pdf/416

అష్టమాశ్వాసము

355

⁠

లోనం దెకతెక నుడుకం గా నద్భుతమైన మడుఁగుఁ గని వెరఁగందెన్.

⁠ 161

క.⁠

పిట్టలు దివిఁ బాఱఁగ నా కట్టావుల నెఱక నెల్లఁ గమరిన నచటన్ మట్టుపడి కూలుఁ దొడిమల ప ట్టూడినయట్టి మేడిపండులభంగిన్.

⁠ 162

ఆ.⁠

అట్లు ఘోరమైన యయ్యుష్ణతీర్థంబు చేర వెఱచి శిశిరవారిలోన గెలన జలక మాడి వెలి కేగి యట గుడి లోన నున్నశివునిఁ గానఁబోయి.

⁠ 163

వ.⁠

అద్దేవు నుచితోపచారంబుల నారాధించి యచట నొకరాత్రి గడపం గడంగి యుండె.

⁠ 164

క.⁠

ఆయెడ నాకాశంబున నాయుష్ణాంబువుల యాపు లంటినఁ దప్తుం డై యపరాంబుధి మునుఁగం బోయెనొకో యీతఁ డన నభోమణి గ్రుంకెన్.

⁠ 165

మ.⁠

చదలం జుక్కలు పిక్కటిల్లగఁ దమస్సందోహము ల్బూమిఖా గదిగంతంబుల నిండ రేయి నిగుడంగా నుష్ణతీర్థంబులో నుదకం బుబ్బఁగ గొబ్బున న్వెడలి సాంగోపాంగసంగీతులం[1] జదురాండ్రౌ నెనమండ్రు వచ్చి రట కాసర్వేశ్వరుం గొల్వఁగన్.

⁠ 166

ఉ.⁠

మోహనదివ్యమూర్తు లగుముద్దియ లాశశిమౌళికి న్మహో త్సాహముతోడ హేమజలజంబులఁ బూజ లొనర్చి నాట్యస

⁠

1. సంగీతలై