పుట:సింహాసన ద్వాత్రింశిక (కొరవి గోపరాజు).pdf/414

353

అష్టమాశ్వాసము

వ.⁠

అర్చన లిచ్చి తనఫాలంబునఁ గేలుదోయి గీలించి.

⁠ 151

సీ.⁠

పెద్దమెకముతోలు నిద్దంబుగాఁ గట్టి         గాలిగ్రోలెడుసొమ్ము లీలఁ దాల్చి చలికొండకూఁతుకై సామేన నిమ్మిడి         చదలేఱు నెలయును జడలఁ జెరివి యేనికమోముతో నెలుకనెక్కిన చిన్ని         బొజ్జపాపఁడు నీదుపజ్జ నడువ ముజ్జోడుమొగముల ముద్దులకొమరుండు         పురిగలపులుఁగుపై నరుగుదేర

⁠

ఆ.⁠

వెన్నుఁడును నలువయును బల్వేలుపులును గొలువ [1]గుబ్బలికొమ్ములగుజ్జు నెక్కి కలిమికొండకు నేతెంచి నిలిచి తనుచు వింటి ముక్కంటి నినుఁ గనుఁగొంటి మంటి.

⁠ 152

క.⁠

అనుచు ననేకవిధంబులం దననేర్చినకొలఁది నతఁడు తప్పనిభక్తిన్ వినుతించి పాపముల వీ డ్కొని మగిడెం జిత్తశుద్ధి కొనసాఁగంగన్.

⁠ 153

ఉ.⁠

ఆదెసనుండి సర్వజగదాశ్రయు వేదపురాణవేద్యుఁ బ్ర హ్లాదమనోవిధేయు నసురాంతకు శ్రీ నరసింహమూర్తిఁ గా కోదరరాజతల్పుని నహోబలనాథునిఁ జూడనేగి త త్పాదసరోరుహంబులకు భ క్తిఁ దగం బ్రణమిల్లి ధన్యుఁడై.

⁠ 154

చ.⁠

హరిహరసేవనాసుమతు లైన జను ల్విలసింప సంపదా కరమగుసొంపుపెంపు గల కన్నడభూమికి నేగి యొక్కభూ

⁠

1. గద్దరికొమ్ముల