పుట:సింహాసన ద్వాత్రింశిక (కొరవి గోపరాజు).pdf/403

342

సింహాసన ద్వాత్రింశిక

⁠

సిద్ధయోగీంద్రప్రసిద్ధచారిత్రుని         గాలవంచకునిఁ ద్రికాలనాథుఁ జూడలేమైతిమి చూడంగఁ గన్నులు         గలిగియు నిచట నిష్ఫలములయ్యె బ్రాలేయగిరిపొంతఁ బన్నగాటవి నాతఁ         డున్నతతపమున నున్నవాఁడు

⁠

ఆ.⁠

తెరువు లహికులాధీనదుస్తరము లనుచుఁ బోవలేమైతిమని తలపోసికొనఁగ విని మనంబున నతనిదర్శనము గోరి రాజశేఖరుఁ డచట నారాత్రి గడపి.

⁠ 93

క.⁠

అరుణుం డుదయింపఁగ స త్వరగతి నుత్తరము గదలి తఱచైనమహా తరులును గిరులును దాఁటుచుఁ దెరు వేడలక నడిచి కొన్నిదివసంబులకున్.

⁠ 94

క.⁠

దుర్వారశరభగండక దర్వీకరసింహదంతిదంష్ట్రులనెల వై శర్వాణిజనకుఁ డగు నా పర్వతపతి పొంతఁ జేరె భయరహితుండై.

⁠ 95

మ.⁠

హిమవత్ప్రాంతము చేరి శీతలములౌ నీరంబులు న్సిద్ధసం యమిసద్మంబులు దేవదారుమయదివ్యశ్రీకుటీరంబులున్ భ్రమరానందమరందబిందువిలసత్పద్మాకరశ్రేణులుం గుముదప్రోజ్జ్వలకుంజకుంజరమహాకుంజంబులం జూచుచున్.

⁠ 96

క.⁠

చల్లనికొండ నయంబున నల్లున కింపయినయట్టి యాభరణగణం

⁠