పుట:సింహాసన ద్వాత్రింశిక (కొరవి గోపరాజు).pdf/396

అష్టమాశ్వాసము

335

⁠

స్థితుఁ జేసి మిత్రకృత్యో చితసత్కారము లొనర్చి సేమం బడిగెన్.

⁠ 54

శా.⁠

ధర్మం బెల్లెడఁ జెల్లునా ద్విజులవిద్యాగోష్ఠి రాజిల్లునా దుర్మార్గంబు లడంగునా ప్రజలు సంతోషింతురా సత్క్రియా మర్మం బేర్పడ జన్నముల్ జరుగునా మర్యాద వర్తిల్లునా నిర్మూలంబుగ శత్రులం గెడపుదా నీలక్ష్మి సొంపెక్కఁగాన్.

⁠ 55

శా.⁠

హర్షం బొంది పురందరుండు ధరపై నందందుఁ గాలంబుల న్వర్షంబు ల్గురియించునా తగిలి విద్వాంసుల్ ప్రశంసింతురా ఘర్షింపంగల రీతి నీతి దెలియంగా విందురా కీర్తియు త్కర్షం బందునె దీనులం గడపుదే దానం బనూనంబుగన్.

⁠ 56

వ.⁠

అనినం గృతాంజలియై మానవేంద్రుండు దానవేంద్ర నే నెంతవాఁడ న న్నింతకుశలం బడిగితివి నీవు మహానుభావుండవు.

⁠ 57

సీ.⁠

కశ్యపసుతుఁడు రక్కసులమేటి హి         రణ్యకశిపుండు నీవంశకర్త యనఁగఁ బరమవైష్ణవుఁడైన ప్రహ్లాదుఁ డద్భుత         ఖ్యాతచరిత్రుండు తాత యనఁగ వీరమాహేశ్వరుండై రూఢి కెక్కిన         బాణాసురుఁడు కూర్మి పట్టి యనఁగ దానవరక్షణజ్ఞానవిజ్ఞానాది         గురుఁ డైనశుక్రుండు గురు వనంగ

⁠

ఆ.⁠

నమరలోక మేలుట పరాక్రమ మనంగ భువనమంతయు వితరణాభోగ మనఁగ దేవదేవుండు హరి యిష్టదైవ మనఁగ నీమహత్త్వంబు నాకు వర్ణింపఁదరమె.

⁠ 58