పుట:సింహాసన ద్వాత్రింశిక (కొరవి గోపరాజు).pdf/305

244

సింహాసన ద్వాత్రింశిక

⁠

భావన పాడి సత్యపరిపాలన మే లుపకార మెయ్యెడన్ భావన కీర్తి యాయువు శుభంబు నిజాప్తులు ధాత్రిలోపలన్[1].

⁠ 208

క.⁠

జాణ “లనిత్యాని శరీ రాణి” యనుచుఁ దెలిపి చెప్పరా[2] భువినాత్మ ప్రాణంబు లిచ్చి యార్త త్రాణం బొనరింపవలయు తత్త్వజ్ఞులకున్[3].

⁠ 209

తే.⁠

నీవు లేవేని నొరులకుఁ గావవశమె ధన్య నీవు బ్రదికిన నీతల్లి బ్రదుకు నదియు కారణముగ వైరి కడ్డపడుదు నీవు గోరిన యట్ల యీనెలఁతఁ గాతు.

⁠ 210

ఆ.⁠

అనుచు వధ్యచిహ్నమైన రక్తాంశుక మడిగి మ్రొక్కినంత నతని నిల్పి యేల ఖేచరేంద్ర యీదివ్యదేహంబుఁ బాముకొఱకు విడువఁ బాడియవునె.

⁠ 211

క.⁠

క్షోణీమండలమునఁ గల ప్రాణుల కెడరైన నడ్డపడుచుఁ దదీయ త్రాణం బొనరించుచు నీ ప్రాణంబులతోడఁ గీర్తిఁ బడయందగదే.

⁠ 212

ఆ.⁠

శంఖధవళ మైన శంఖపాలకులంబు శంఖచూడు చేతఁ జాలఁ గందె ననఁగ మీఁదఁ బుట్టు నపకీర్తి నాకది చావు గాదె బ్రదుకుత్రోవ యేది.

⁠ 213

1. చా వపకీర్తి యశంబు నిజాప్తులు హీనజంతువుల్
2. యుండరా
3. ధర్మజ్ఞులకున్