పుట:శ్రీనివాసవిలాససేవధి.pdf/32

ఓం

శ్రీనివాసవిలాససేవధి

శ్రేష్ఠలూరి వెంకటార్య ప్రణీతము,

ద్విపదకావ్యము

—♦♦♦♦§§♦♦♦♦—

ప్రథమాశ్వాసము

—♦♦♦♦§§♦♦♦♦—

శ్రీకాంత కిరవుగాఁ జెలగు పేరురము
వైకుంఠమిదె యంచు వంచినకరము
మలసి నిగ్గులు గుల్కు మకరకుండలము
లలరు కౌస్తుభశోభి హారమండలము
కంతు సంకునకు నగ్గలమైన గళము
వింతదర్పణము నవ్వెడు గండతలము
కరుణఁ జిల్కు వెడంద కన్నుల ఠీవి
చిరునవ్వు తేట రంజిల్లు కెమ్మోవి
కప్రపు నామంబు కళలీను మోము
దీప్రకిరీటంబు తెఱఁగొందు గోము10
ఘనకటితటి బద్ధ కనకాంబరంబు
కనదురుమేఖలాగణడంబరంబు
నలువఁగాంచిన తమ్మి నలువొందునాభి
కలన చాణూరుని కలఁచు నూరువులు
జనని రోలును బిగించఁగ నర్జునములఁ
దునియింప జరుగు ముద్దులజానుయుగము