ఈ పుట ఆమోదించబడ్డది
పంచమాశ్వాసము
253
సెలగోల లిరువంకజిక్కంబు లురులు
వలలు పగ్గంబులు వాకట్టుమందు
లలరంగఁ దను వెంటనంటి జాగిలము
లరుదేరఁగా భీకరాకారములను
గరివించు జముని కింకరులో యనంగ 70
నలువొప్ప కాటుకనడగొండ లనఁగ
బలిసిన చీకట్లబారులో యనఁగ
ధర నాడు కఱమొగుల్ తండమో యనఁగ
పురిగొన్న భేతాళముల గుంపులనఁగ
కడక మించగ నిల్చి కరములు మోడ్చి
మడిసూడునాసామి మాబంటుతనము
లీసోట సింగంబు నీడి శికాడి
కోసబారక పట్టి కొట్టి శెండెదము
బెబ్బులి మీసంబు పెకలిస్సి కాడి
కబ్బిగా పై యెక్కి కాడి యాడెదము 80
గొప్ప యేనుంగుల కొమ్ములుడిస్సి
తిప్పి తొండము బట్టి తీసి తెస్పెదము
మెకముల నొక కోల మిడిశిపో నేసి
మొకమైన కోరలు మొక్కపుస్పెదము
మాసాసములు సూడు మాసామి యనుచు
యాసబాసల బీరమెచ్చఁ బల్కుచును
కరి వరాహ లులాయ ఖడ్గ సింహముల
శరభ భల్లుక వృక శార్దూలములను
తొలఁగి పోనియ్యక దోర్విక్రమమునఁ
బొలియించి కొన్నిటిఁ బొదలి పగ్గముల 90
