82
శృంగారశాకుంతలము
తే. వలలు, బోనులుఁ గౌలేయకులము, మగుడఁ
బట్టణమునకు సకలంబు వెట్టి యనుపు,
పనుపు మృగయులఁ దమతమ పల్లియలకుఁ
జాలు మృగయావిహారవిశ్రామసుఖము.4
గీ. ఆశ్రమాంతికమున వేట యనుచితంబు
నేము నేఁడును ఱేపును నిచట నిలిచి
మునులఁ బొడగని వారల ననునయించి
పిదపఁ బురి కేఁగుదెంచు టభ్యుదయకరము.5
వ. ఏ మిక్కడ నుండు దివసంబుల నాశ్రమంబులకు రాయిడి గాకుండ
మదీయస్యందనంబును, సారథియు, నీవు, మాండవ్యుండును, గతిపయాప్త
పరిజనంబునుం దక్క, దక్కిన శతాంగమాతంగతురంగపదాతి
వర్గంబు దుర్గంబున కనుపు మనిన నతండును నట్ల కావించె. ఇట్లు సకల
సైన్యంబునుం గరిపురి కనిచిన నారాజోత్తముండు చిత్తంబు శకుంతలా
యత్తంబు చేసి ఱిత్తమాటల మాండవ్యసేనాపతులతోడ నేమేనిఁ బ్రసం
గంబు జరుపుచునుండె నయ్యవసరంబున.6
గీ. వరతపోధను లిద్ద ఱం దరుగుదెంచి
సవినయంబుగఁ గృతనమస్కారుఁడైన
ధరణిపతి మౌళి మంత్రాక్షతములు పెట్టి
వరుస నాసీనులై మృదువాక్యములను.7
మ. అతిరాత్రం బను పేరిట న్మఘము సేయం బూని కణ్వాశ్రమం
బు తపస్వు ల్భవదంతికంబునకు మమ్ముం బెట్టి పుత్తేర వ
చ్చితి మిచ్చోటికి నుల్లసద్విజయలక్ష్మీశాలి వచ్చోటికిం
గ్రతుసంరక్షణ యొనర్ప [1]రావలయు నక్షత్రేశవంశాగ్రణీ!8
మత్తకోకిల. జంభశాత్రవతుల్యవైభవ, చక్రవాళబహిస్తమ
స్తంభనక్షమకీర్తివల్లభ, చానవాహితఘోణిరా
- ↑ గావలయు
