పుట:శివరాత్రి మాహాత్మ్యము.pdf/67

⁠

బాడబరూపంబు ధరియించి మృత్తికాపతియందు శతధన్వుఁడను రాజును సేవించుచుం బెద్దకాలంబు మర్త్యలోకంబున నుండెననియును విందుము.

⁠ 67

సీ.⁠

జలజగర్భుని మానసంబు వేదంబులు           దక్షప్రజాపతి దర్పకుండు సౌదామనీవల్లి చంద్రికాలోకంబు           సప్తజిహ్వ జ్వాలసప్తకంబు రవిమయూఖములు నీరవని దుగ్ధాంభోధి           మృత్యుదేవత[1]నోరి మెఱుఁగుఁబండ్లు ముని కరిష్టాదేవికిని సంభవించిన           దివ్యగంధర్వజాతిద్వయంబుఁ

⁠

గీ.⁠

గారణంబులుగాఁ బుట్టినారు [2]పదియుఁ నాల్గు కోట్లప్సరసలునా నాకసతులు వారిలో నొక్కతెవు నీవు వారిజాక్షి యేమి దుష్కృతిఁ బుట్టితోఁ హీనజాతి.

⁠ 68

గీ.⁠

తివుచుచున్నది భవదీయదృగ్విలాస- మెత్తుకొనిపోవుచున్నవి యింద్రియములు వెనుక ద్రొబ్బుచునున్నాడు మనసిజాతుఁ డేమి సేయుదుఁ జెప్పవే యిందువదన.

⁠ 69

గీ.⁠

వనిత నీ చిత్తమున కేను వత్తునేని కామతంత్రంబునకు సంచకర్వు గాఁగఁ జుంబనము సేయని మ్మోష్ఠబింబ మిపుడు గండుఁగోయిల చిగురాకుఁ గమిచినట్లు.

⁠ 70

గీ.⁠

అనుచు విప్రుండు తమకించి యంటుకొనియె సమ్మతించియ యుండె నా చంద్రవదన శూకలాశ్వంబు నస రేఁపఁ జొచ్చినప్పు డనుమతింపదె యత్తళువైన బడబ.

⁠ 71

వ.⁠

ధీరోదాత్త [3]యగుట నమ్మత్తకాశిని చిత్తజాయత్త యయ్యును దత్తఱపాటు లేక యతనితో నిట్లనియె.

⁠ 72

సీ.⁠

కలుగుచున్నవి యనేకములు వికల్పము           లాడుచున్నవి యపాయంబు లెదుర నంతరాయము లసంఖ్యములు గన్పట్టెడు           సందేహములు పెక్కు చాయవాఱె నంకురితములయ్యె శంక లేరాళంబు           వికృతు లెన్నేని యావిష్కరించె శాఖోపశాఖలఁ జాఁగుచున్నది రట్టు           గుఱిలేక యుదయించె గోసనాస

⁠

1. తా. నోర
2. తా. మరియు
3. తా. యగు