పుట:వరాహపురాణము (నంది మల్లయ, ఘంట సింగయ).pdf/215

⁠

నలరు జంబీరము లభ్రలిహములు తత్ఫలములు షడ్రసబంధురములు ప్రాణు లారస మాని పండ్రెండువేలు నేనూఱేండ్లు బ్రతుకుచుండుదురు కామ రూపవంతులు సమరవిరోధియూధ, మథననిర్నిద్రపృథువిక్రమప్రసిద్ధ భుజబలాఢ్యులు నగుయక్షపుంగవులు ని, రంతర మచట నుందురు సంతసమున.

⁠ 159

క.⁠

క్రొత్తె త్రిశృంగశిఖరము, నుత్తరశృంగమ్మునకును నుత్తరపుదిశన్ హత్తుకొని కడలిదాఁకను, నుత్తరకురుభూము లమరుచుండును మహిమన్.

⁠ 160

ఉ.⁠

పాలునుఁ దేనెయుం గురియుఁ బాదపముల్ మఱికొన్నివృక్షముల్ చేలములున్ హిరణ్యమణిచిత్రవిభూషలు నీనుచుండు న న్నేల సువర్ణవాలుకల నిర్మలరత్నములం జెలంగు వి ద్యాలలితుల్ త్రయోదశసహస్రసమాయువు లందు మానవుల్.

⁠ 161

వ.⁠

ఇట్టియుత్తరకురుదేశంబులయందు స్వర్గచ్యుతు లైన పురుషులు వసియింపుదురు తదు త్తరకురుప్రాంతంబున నతిరమణీయంబులు సమంబులునై కనుపట్టుచంద్రకాంత సూర్యకాంతపర్వతంబులనడుమ ననేకవృక్షసమాకుల యైనచంద్రనది ప్రవహించు నట్టికురువర్షంబునుత్తరపార్శ్వంబున నైదువేలయోజనంబులు సముద్రంబు నతిక్ర మించి సహస్రయోజనపరిమండలవిస్తారంబున దేవలోకపర్యంతంబు చంద్రద్వీపం బమరు నందునడుమ నూఱుయోజనంబులవిరివియునుం బొడవునుం గలయొక్క పర్వతంబునం జంద్రావర్త యనునది వొడమెఁ దద్వీపంబు చంద్రున కధిష్టానం బందలిప్రజ లందఱుం జంద్రదైవత్యులుం బ్రస్తబ్ధకర్ణులు దశసహస్రాయువులు నట్టి చంద్రద్వీపంబునకుం బశ్చిమంబున నాలుగువేలయోజనంబులు సముద్రంబు నతిక్ర మించి దశసహస్రయోజనపరిమండలం బైనభద్రాంతరనామధేయద్వీపంబు గలదు తద్వీపంబున ననేకరత్నశోభితం బైనభద్రాసనంబున వాయుదేవుండు సాకారుం డై కొలువుండు నచ్చటిపురుషు లందఱుం గాంచనవర్థులుం బంచసహస్రవర్షజీవులు నింక నవభేదం బగుభారతవర్షంబు వర్ణించెద నింద్రకశేరుతామ్రపర్ణగభస్తినాగ ద్వీపసమ్యాగాంధర్వవారుణభారతంబు లనం బరఁగినయీఖండంబు లొక్కొ క్కటి వేయేసియోజనంబులు.

⁠ 162

క.⁠

కల వాభారతవర్షస్థలమున నొకయేడు ఋక్షసహ్యమహేంద్రం బులు వింధ్యపారియాత్రం, బులు మలయము శుక్తిమంతమును గులశిఖరుల్.

⁠ 163

సీ.⁠

మందరశైలంబు మైనాకకుధరంబు పాండురాచలము శ్రీపర్వతంబు గోమంతము చకోరకూటంబు సురసంబు వైద్యుతాహార్యంబు వాతభవము రైవతకంబు శారదము జయంతంబు కృష్ణమహేంద్రంబు ఋశ్యకంబు

⁠