పుట:పద్మపురాణము (మడికి సింగన).pdf/77

ఉత్తరఖండము-ద్వితీయాశ్వాసము

45

క.⁠

కంకణమణిమయనూపుర ఝంకారము లులియ బిగువుచనుఁగవ నెఱయన్ జంకెలు గన్నులఁ దేఱఁగ మంకెన కెంబట్టు మెఱయ మలయుచు వచ్చెన్.

⁠ 14

వ.⁠

అంత.

⁠ 15

క.⁠

అలకలతావికి నలికుల కలకల ములియంగ వీణ గదలించుచుఁ దాఁ గలికి కనుఁగొనల కొలకుల నులుకులు దలకొనఁగ లలిఁ దిలోత్తమ యొప్పెన్.

⁠ 16

ఆ.⁠

అయ్యశోకవనమునం దెల్ల విహరించి సుడిసి కమ్మతావి సోడుముట్టఁ దరుణి విరుల నలరు సురపొన్న తరువెక్కి వట్టిమ్రాఁకు లిగురువెట్టఁ బాడె.

⁠ 17

వ.⁠

అప్పు డద్దివ్యగానం బత్యంతమధురంబుగా వీతెంచిన నవ్వనం బున విహరించుచున్న దనుజనాయకపరిచరవర్తులగు నసురు ల య్యెలుంగులు విని చనుదెంచి తిలోత్తమం గనుంగొని చిత్తంబున నుత్తలంబు గదురఁ బఱతెంచి శాతకుంభస్తంభవిలసితంబగు మణి మండప[1]స్థలంబునందు.

⁠ 18

క.⁠

సుందరులు పసిఁడికోరల నందీ నందంద యాని యాసవసౌఖ్యా నందులగు నన్నదమ్ముల మందుల సుందోపసుంద మనుజాశనులన్.

⁠ 19

క.⁠

కని వినయంబున మ్రొక్కుచు ననుపమసంభ్రమము దోఁప నసురులు ధాత్రి [2]న్విని కని యెన్నం డెఱుఁగము సునిశితబలులార యిట్టిచోద్యము లెందున్.

⁠ 20

1. స్తంభంబునందు (ము)
2. న్వినముం జూడము నెన్నడు (తి-హై)