మొత్తంబులగు నుత్తమమత్తకాశినీసహస్రంబులును, కందర్ప
సౌందర్యంబులు డిందుపఱిచి సుందరీజనసందర్శనానందమంది
రంబులై పెంపొంది డెందంబు లిందిరామందిరుండగు గోవిందు
పదారవిందమకరందరసాస్వాదనపరవశంబులై యుండ నిత్య
యౌవనంబునం గ్రీడించు దివ్యపురుషులును, సకలపదార్థశోభిత
విపణివీథికావిలసితంబును, నిరంతరపఠ్యమానశ్రుతిస్మృతిపురా
ణేతిహాసవేదాంతసిద్ధాంతంబులు గల దివ్యమునిసహస్రంబులుం
గలిగి రాజహంససంచారరహితం బయ్యును రాజహంసవిహార
స్థలంబై, పురుషోత్తమనివాసం బయ్యును బుణ్యజనవర్జితంబై,
క్రతుకర్మఫలానుభవస్థలంబు గాకుండియుఁ గ్రతుకర్మవిరాజ
మానంబై, అమృతార్ణవంబు గాకుండియు నమృతస్థలంబై, సకల
మంగళావాసంబై సౌఖ్యాస్పదంబై యొప్పారు నప్పురంబు చతు
ర్ద్వారవిలసితం బగు. అందుఁ బూర్వద్వారంబునఁ జండప్రచండు
లును దక్షిణపువాకిట భద్రసుభద్రులును పడమటిగవనియందు
జయవిజయులును నుత్తరంబున ధాతృవిధాతృలును జక్రముసల
ముద్గరభిండివాలశూలాద్యనేకశితాయుధపాణులగు భటసహ
స్రంబులతోఁ గాచుకొనియుండుదురు. కుముదకుముదాక్షపుండ
రీకవామన[1]శంకుకర్ణసర్పనేత్రసుముఖసుప్రతిష్ఠితప్రముఖు
లైన యారెకు లనేకు లనేకాయుధంబులతోఁ బురరక్షకులై యుండ
నభేద్యంబగు నన్నగరమధ్య ప్రదేశంబునందు.