పుట:పంచతంత్రి (భానుకవి).pdf/9

క.⁠

ఒరులాడిన వాక్యమ్ముల సరవిం బ్రతివాక్యములు రసస్థితి వొడమున్ ధరణిని బీజమ్ములు దా మురువృష్టినిఁ బొడము కరణి నుచితమ్మగుచున్.

⁠

—భానయ

క.⁠

ఉత్తరమునఁ బొడమెడుఁ బ్ర త్యుత్తర ముత్తరము లేక యుత్తరమగునే! హత్తిన సువృష్టివలనన్ విత్తులకుం బొడమినట్టి విత్తులఁ బోలెన్.

⁠

—నారాయణకవి

క.⁠

తొడవుల క్రియ భృత్యుల నిలి పెడి చోటుల నిలుపవలయు పృథివీశుఁడు పెం పడర నటుగాక తక్కినఁ దడఁబడుఁ గార్యములు దద్విధంబునఁ దలఁపన్.

⁠

—భానయ

గీ.⁠

కనకభూషణసముచితకమ్రమౌక్తి కమ్ము లోహానఁ గట్టిన కరణి నధిక [విధుల] పతిహితమతులందు వెలయు భటులఁ గూర్చు సిరికన్య పురుషులఁ గూర్పఁ జనదు.

⁠

—భానయ

క.⁠

నరపతి భృత్యులఁ దొడవుల నొరసి తగిననెలవులందు నునుపక యున్నన్ జరణమ్మునఁ జూడామణి శిరమున నందియయుఁ బెట్టు చెలువము గాదే!

⁠

గీ.⁠

కుందనము గూర్ప నందమై పొందు పడిన పృథులరత్నమ్ము వెండిలోఁ బెట్టెనేని

⁠