పుట:పంచతంత్రి (భానుకవి).pdf/67

ఉ.⁠

అవ్విధ మాచరింపుమన, నాతఁడుఁ దానును నేఁగి గుద్దటన్ ద్రవ్వఁగ నప్పు డందలినిధానము గానక, ధర్మబుద్ధి, నన్ గవ్వతనమ్మున న్మొఱఁగి కైకొనె నెంతయుఁ బాపవృత్తి మై నెవ్వని నమ్మఁబోలును! మహీస్థలి నర్థములందుఁ జూచినన్.

⁠ 294

వ.⁠

అను పలుకులు పలుక, నన్యోన్యవివాదం బధికంబయ్యె నంత న య్యిరువురు ధర్మార్ధకోవిదులయొద్దకుం జని వారల కీవృత్తాంతం బెఱిం గించిన, వార లుభయవాక్యమ్ములు విని యేను దినమ్ములకు ధర్మం బేర్చ రించెదమని మితిఁ బెట్టిన, దుష్టబుద్ధి వారల కిట్లనియె,—

⁠ 295

సీ.⁠

పశ్యతోహరుఁ డతిపాపాత్ముఁ డితని ని                     ప్పుడ పట్టి దండించి పుచ్చుడనుచుఁ బలికిన, వార లిందులకును గల సాక్షి!                     యని తన్ను నడిగిన నచటితరువు గుఱియన, వినుచు మిగుల మేము రేపు వ                     చ్చెద మన్నఁ గృహములఁ జెంది రందు దుష్టబుద్ధి మదంబుతోఁ దండ్ రికిట్లను                     వచ్చు వాఙ్మాత్రమ్మువలన నధిక

⁠

ఆ.⁠

ధనమటన్న, నతఁడు దద్విధ మేరీతి ననిన, రాత్రి భూరుహమ్ము కోట రమున దాఁగి యెల్లి ప్రజలెల్ల విన, ధర్మ బుద్ధిఁ దిగిచికొనుట సిద్ధ మరయ.

⁠ 296

వ.⁠

అట్లైన నధికద్రవ్యము చేకూఱుననం దనూభవునకు నతం డిట్లను, మతిమంతుం డుపాయమ్ము క్రియ నపాయమ్ము చింతింపందగు నది యెఱుం గకున్న మున్ను బకవల్లభుండు దనశిశుసంచయమ్ము నకులమ్ముచేతం బోలె హింస నొందునన, విని దుష్టబుద్ధి తద్విధంబు జెప్పుమనినఁ, దజ్జనకుం డిట్లనియె.

⁠ 297

క.⁠

ఒకవిటపకోటరమ్మున బకమిథునం బుండు టెఱిఁగి పన్నగము భయా నకగతిఁ జని తదపత్య ప్రకరము భక్షించుచుండెఁ బరమప్రీతిన్.

⁠ 298