ఈ పుట అచ్చుదిద్దబడ్డది
రేకు: 0212-01 లలిత సం: 03-067 అధ్యాత్మ
పల్లవి:
చెలఁగి నా కిందుకే చింతయ్యీని
తెలిసినదాఁకా నిది ద్రిష్టమయ్యీనా
చ. 1:
హరి పుట్టించిన దేహి హరినే కొలువక
నరులఁ గొలుచుట అన్యాయమయ్యా
గరిమ నేరు గుడిచి కాలువఁ బొగడఁబోతే
యెరవెరవే కాక యితవయ్యీనా
చ. 2:
దేవుఁ డిచ్చినట్టి బుద్ది దేవుని పయిఁ బెట్టక
భావ మింద్రియాల కియ్యఁ బాపమయ్యా
జీవిత మొకరి సొమ్ము జీవించి యొకరి వెంట
ఆవలఁ బరువులిడు టందమయ్యినా
చ. 3:
అరిది శ్రీవేంకటేశుఁ డంతరాత్మయి వుండఁగాను
శరణనకుండు టనాచారమయ్యా
ధరఁ దన యింటఁ గోటిధన మట్టే వుండఁగాను
మరలి తిరియఁబోతే మట్టుపడీనా