ఈ పుట అచ్చుదిద్దబడ్డది
రేకు: 0210-03 లలిత సం: 03-057 శరణాగతి
పల్లవి:
వేఱొకచోట లేఁడు వీఁడివో హరి
వీఱిడియై చేరువనే వీఁడివో హరి
చ. 1:
మునుకొని వెదకితే ముక్కునూర్పు గాలికొన
వెనవెనకఁ దిరిగీ వీఁడివో హరి
పెనఁగి వెదకఁబోతే పెడచెవుల మంత్రమై
వినవచ్చీ మాటలలో వీఁడివో హరి
చ. 2:
సోదించి వెదకితేను చూపులకొనలనే
వీదుల నెందు చూచినా వీఁడివో హరి
అదిగొని వెదకితే నట్టే నాలికకొన
వేదమై నిలిచినాఁడు వీఁడివో హరి
చ. 3:
తెలిసి వెదకఁబోతే దేహపు టంతరాత్మయై
వెలుపలా లోపలాను వీఁడివో హరి
చెలఁగి శ్రీవేంకటాద్రిఁ జేకొని మమ్ము రక్షించ
వెలసె నిందరుఁ జూడ వీఁడివో హరి