ఈ పుట ఆమోదించబడ్డది
రేకు: 0299-03 మాళవిగౌళ సం: 03-574 నామ సంకీర్తన
పల్లవి:
నారాయణ నీ నామమహిమలకు
గోరఁ బోవుటకు గొడ్డలి దగునా
చ. 1:
హరియని నొడిగిన నణఁగేటి పాపము
సిరుల నేను నుతిసేయఁగఁగలనా
పరగిన పిచ్చుకపై బ్రహ్మాస్త్రము
దొరకొని వూరకె తొడిగినయట్లు
చ. 2:
అచ్చుత యనఁగా నందెటి సంపద
యిచ్చల నెంచిన నిలఁగలవా
కొచ్చికొచ్చి యొక కొండంత కనకము
వెచ్చపుఁ బోఁకకు వెల యిడినట్లు
చ. 3:
యెదుటనే శ్రీవేంకటేశ్వర యనఁగాఁ
బొదిగెటి తపముల పుణ్యము గలదా
కదిసి సముద్రము గడచి వోడలోఁ
జిదిసి యినుము దెచ్చినయట్లు