ఈ పుట ఆమోదించబడ్డది
రేకు: 0298-01 దేవగాంధారి సం: 03-566 వైరాగ్య చింత
పల్లవి:
మాయామోహము మాన దిది
శ్రీయచ్యుత నీ చిత్తమే కలది
చ. 1:
యెంత వెలుఁగునకు నంతే చీఁకటి
యెంత సంపదకు నంతాపద
అంతటా నౌషధ మపథ్యమును సరి
వింతే మిగిలెను వేసటే కలది
చ. 2:
చేసిన కూలికి జీతమునకు సరి
పూసిన కర్మభోగము సరి
వాసుల జన్మము వడి మరణము సరి
ఆసల మిగిలిన దలపే కలది
చ. 3:
మొలచిన దేహము ముదియుటకును సరి
దలఁచిన దైవము తనలోను
యిలలో శ్రీవేంకటేశ నీ కరుణ-
గలిగిన మాకెల్ల ఘనతే కలది