ఈ పుట ఆమోదించబడ్డది
రేకు: 0295-06 బౌళి సం: 03-553 శరణాగతి
పల్లవి:
ఇంక మా బోంట్ల కేది విధో
కింకరులమనియెడి గెలుపే కాక
చ. 1:
యెవ్వరు గడచిరి యింతక తొలుతను
నివ్వటిల్లు హరి నీమాయ
నవ్వుచు నీ శరణాగతి నమ్మిన
మువ్వంక శుకాదిమునులే కాక
చ. 2:
కన్నవారెవ్వరు ఘన వైకుంఠము
వున్నతమగు నీ వురుమహిమ
మున్ను నిపుడు నీ ముద్రలు మోఁచిన
అన్నిటా ఘనసనకాదులుఁ గాక
చ. 3:
తెలియువారెవ్వరు దివ్యజ్ఞానము
చలనముగాఁ జెప్పు శాస్త్రములు
యిలలో శ్రీవేంకటేశ నీవారై
చెలఁగిరి శేషాదిజీవులుఁ గాక