ఈ పుట ఆమోదించబడ్డది
రేకు: 0293-02 శుద్ధవసంతం సం: 03-537 శరణాగతి
పల్లవి:
నిండిన జగములెల్లా నీయాధీనము
బండు జన్మములవాఁడ భయమేమీ నెరఁగ
చ. 1:
పాతకపు దేహమిది ప్రకృతి యాధీనము
ఆతుమ శ్రీహరి నీయాధీనము
యీతల నాతల నేనెవ్వరి నేమనలేను
చేతనుఁడ నింతే నేను చిక్కిన వేమెఱఁగ
చ. 2:
వెలయు నా కర్మము నీ వేదశాస్త్రాధీనము
నిలిచిన జ్ఞానమెల్లా నీయాధీనము
తలఁచి యెవ్వరి నేఁ దగు దగదనలేను
కొలఁది జీవుఁడనింతే కొనమొద లెఱఁగ
చ. 3:
అక్కడ నా మనసిక నాచార్యాధీనము
నిక్కపు నామోక్షము నీయాధీనము
యెక్కువ శ్రీవేంకటేశ యెవ్వరి నేమనలేను
పక్కన నీ బంటనింతే పరచింత లెఱఁగ