ఈ పుట అచ్చుదిద్దబడ్డది
రేకు: 0209-03 ముఖారి సం: 03-051 శరణాగతి
పల్లవి:
నీవెంత నేనెంత నీకు నాకు నెంతదవ్వు
దైవమా సిగ్గువడక తగిలేనేఁ గాకా
చ. 1:
చెంది నీకు బ్రహ్మాదులు సేవలు సేయఁగాను
యిందు మా సేవలు నీకు నేడకువచ్చు
పొంది వసిష్ఠాదు లట్టే పూజలు సేయఁగాను
సందడి మాపూజలు సరకా నీకు
చ. 2:
సనకాదియోగులు సారె నిన్నుఁ దలఁచఁగా
యెనసి మాతలఁపు నీ కేడకెక్కును
నునుపుగా శేషాదులు నుతులు నిన్నుఁ జేయఁగా
పనివడి మా నుతులు బాఁతేయనా నీకు
చ. 3:
కిట్టి నారదాదులు నీకింకరులై వుండఁగాను
యిట్టె నీదాసుఁడ ననుటెంత కెంత
వొట్టి శ్రీవేంకటేశ మాకొకవుపాయము గద్దు
పట్టి నీదాసుల బంటుబంట నయ్యేనిఁకను