ఈ పుట ఆమోదించబడ్డది
రేకు: 0288-06 పాడి సం: 03-511 విష్ణు కీర్తనం
పల్లవి:
సేవించి చేకొన్నవారి చేతి భాగ్యము
వేవేగ రారో రక్షించి విష్ణుఁ డీడను
చ. 1:
గరుడగంభము కాడ కడుఁ బ్రాణాచారులకు
వరము లొసఁగీని శ్రీవల్లభుఁడు
తిరమై కోనేటి చెంతఁ దీర్థఫలములెల్ల
పరుషల కొఁగీని పరమాత్ముఁడు
చ. 2:
సేన మొదలారి వద్ద చిత్తములో సుజ్ఞానము
నానాగతిఁ బుట్టించీని నారాయణుఁడు
కానుక పైఁడిగాదెల కాఁడఁ దన నిజరూపు
అనుక పొడచూపీని అఖిలేశుఁడు
చ. 3:
సన్నిధి గర్భగృహాన చనవిచ్చి మాటలాడి
విన్నపాలు వినీ శ్రీవేంకటేశుఁడు
యెన్నికఁ బాదాలవద్ద యిహముఁ బరముఁ జూపీ
మన్ననల అలమేలుమంగవిభుఁడు