రేకు:0285-06 దేసాళం సం: 03-493 దశావతారములు
| పల్లవి : |
అక్కటా రావణు బ్రహ్మహత్య నీకు నేడది
పుక్కిటి పురాణలింగపూజ నీకు నేడది
|
|
| చ. 1: |
గురుహత్య బ్రహ్మహత్యఁ గూడీ ద్రోణాచార్యు వంక
హరి నీ కృప నర్జును కవిలేవాయ
యెరవుగాఁ గల్లలాడి యేచిన ధర్మజునకు
పరగ నీ యనుమతిఁ బాపము లేదాయను
|
|
| చ. 2: |
అదివో రుద్రుని బ్రహ్మహత్య వాయఁ గాసి యిచ్చి
పొదలిననీ వతనిఁ బూజింతువా
అదనఁ బార్వతిదేవి కాతఁడే నీ మంత్రమిచ్చె
వదరు మాటల మాయావచనాలేమిటికి
|
|
| చ. 3: |
తగిలి నీ నామమే తారకబ్రహ్మమై
జగము వారి పాపాలు సంతతముఁ బాపఁగాను
మిగుల శ్రీవేంకటేశ మీకు నేడ పాతకాలు
నగుఁబాటు లింతేకాక నానాదేశముల
|
|
