ఈ పుట అచ్చుదిద్దబడ్డది
రేకు: 0207-05 శంకరాభరణం సం: 03-041 వైరాగ్య చింత
పల్లవి:
ఎట్టు మోసపోతి నేను యివియెల్ల నిజమని
నెట్టన హరినే నమ్మ నేరనయితిఁగా
చ. 1:
దేహమిది నాదని తెలిసి నమ్మివుండితే
ఆహా నే నొల్లనన్నా నట్టే ముదిసె
వూహల నా భోగ మెల్లా వొళ్లఁబ ట్టేనంటా నుంటే
దాహముతోడ నినుముదాగిన నీరాయఁగా
చ. 2:
మనసు నాదని నమ్మి మదిమది నే పెంచితి-
ననుఁగుఁ బంచేంద్రియములందుఁ గూడెనా (ను?)
యెనసి ప్రాణ వాయువులివి సొమ్మని నమ్మితి
మొనసి లోను వెలినై ముక్కువాత నున్నవి
చ. 3:
ఇందుకొరకె నేను ఇన్నాళ్లు పాటుపడితి
ముందు వెనకెంచక నే మూఢుఁడ నైతి
అంది శ్రీవేంకటేశ్వరుఁడంతటా నుండి నా-
చందము చూచి కావఁగ జన్మమే యీడేరె