ఈ పుట అచ్చుదిద్దబడ్డది
రేకు: 0207-01 భైరవి సం: 03-037 వైరాగ్య చింత
పల్లవి:
వెఱ్ఱివారిఁ దెలుపుట వేవేలు సుకృతము
ముఱ్ఱుఁబాల మంకే కాని ముందు గాన దైవమా
చ. 1:
ఇంతక తొల్లిటిజన్మ మెటువంటిదో యెరఁగ
పొంతనే ఇటమీఁదటి పుట్టు వెరఁగ
అంతరానఁ బెరిగే కాయమే నాకు సుఖమై
సంతసాన మురిసేను సంసారమందును
చ. 2:
వొడలి లోపలి హేయ మొకఇంతాఁ దలఁచను
బడి నెదిటి దేహాల పచ్చి దలఁచ
సుడిసి పై పచారాలే చూచి సురతసుఖాన
పడఁతులఁ బొందిపొంది పరిణామించేను
చ. 3:
పాపమూలమున వచ్చే బలునరకము లెంచ
యేపునఁ బుణ్యపుబుదద్ధి ఇంచుకా నెంచ
దీపనపు జంతువునుఁ దెచ్చి పావనుఁ జేసితి
చేపట్టి నన్ను రక్షించు శ్రీవేంకటేశుఁడా