పుట:తాళ్ళపాక పదసాహిత్యం - మూడవ భాగం.pdf/301

రేకు: 0252-04 దేసాక్షి సం: 03-299 ఆరగింపు

పల్లవి :⁠

ఏ పొద్దు చూచిన దేవుఁ డిటానే యారగించు రూపులతోఁ బదివేలు రుచులై నట్లుండెను

⁠

చ. 1:⁠

మేరుమందరాలవలె మెరయు నిడ్డెనలు సూరియచంద్రులవంటి చుట్టుఁబళ్ళేలు ఆరనిరాజాన్నాలు అందుపై వడ్డించఁగాను బోరన చుక్కలు రాసి వోసినట్లుండెను

⁠

చ. 2:⁠

పలు జలధులవంటి పైఁడివెండిగిన్నెలు వెలిఁగొండలంతలేసి వెన్నముద్దలు బలసిన చిలుపాలు పంచదార గుప్పఁగాను అలరు వెన్నెలరస మందిచ్చినట్లుండెను

⁠

చ. 3:⁠

పండిన పంటలవంటి పచ్చళ్ళుఁ గూరలును వండి యలమేలుమంగ వడ్డించఁగా అండనే శ్రీవేంకటేశుఁ డారగించీ మిగులఁగ దండిగా దాసులకెల్లా దాఁచినట్లుండెను

⁠