ఈ పుట ఆమోదించబడ్డది
రేకు: 0252-01 మలహరి సం: 03-296 అధ్యాత్మ
పల్లవి:
ఇన్నిటి మూలం బీశ్వరుఁ డాతని-
మన్నన కొలఁదినె మలయుటఁ గాక
చ. 1:
మాయామయమై మనియెడి జగమిది
చాయల నిందు నిజము గలదా
కాయము సుఖదుఃఖములకుఁ బొత్తిది
రేయిఁబగలు నొకరీతే కలదా
చ. 2:
దైవాధీనము తగు సంసారము
వావిరి జీవుల వసమవునా
ధావతి మనసిది తన కర్మమూలము
వేవేలై నా విడువఁగ వశమా
చ. 3:
పంచేంద్రియములఁ బరగేటి బ్రదుకిది
చంచలంబు నిశ్చలమవునా
యెంచఁగ శ్రీవేంకటేశ్వరు కృపతో
సంచయమయితే సతమవుఁగాక