ఈ పుట ఆమోదించబడ్డది
రేకు: 0250-04 దేసాళం సం: 03-287 దశావతారములు
పల్లవి:
కాదన్నవారికి వారికర్మమే సాక్షి
యేదెస చూచిన మాకు నీతఁడే సాక్షి
చ. 1:
వేదాలు సత్యమౌటకు విష్ణుఁడు మత్స్యరూపమై
ఆదటఁ దెచ్చి నిలిపెనది సాక్షి
ఆదిఁ గర్మములు సత్యమౌటకు బ్రహ్మాయఁగాన
పోదితో నీతఁడు యజ్ఞ భోక్తౌటే సాక్షి
చ. 2:
అదె బ్రహ్మము సాకారమౌటకు పురుషసూక్తఁ
మెదుట విశ్వరూపము యిది సాక్షి
మొదలనుండి ప్రపంచమును తథ్యమగుటకు
పొదిగొన్న యాగములే భువిలో సాక్షి
చ. 3:
బెరసి జీవేశ్వరుల భేదము గలుగుటకు
పొరి బ్రహ్మాదుల హరిపూజలే సాక్షి
యిరవై దాస్యాన మోక్షమిచ్చు నీతఁడనుటకు
వరమిచ్చే శ్రీవేంకటేశ్వరుఁడే సాక్షి
