ఈ పుట ఆమోదించబడ్డది
రేకు: 0249-01 దేవగాంధారి సం: 03-278 అధ్యాత్మ
పల్లవి:
ఎదుటనే వున్నవి యిన్నియును
యిది కైవసమగు టెన్నఁడో కాని
చ. 1:
ఆకసమొకటే అల భూమొకటే
లోకములు పెక్కు లోలోనే
శ్రీకాంతుఁ డదివో చిత్తములోననె
యేకచిత్తమగు టెన్నఁడోకాని
చ. 2:
యిరవగు కాలం బెప్పటి సహజమె
అరుదగు దినములు అనంతము
పరమాత్ముఁడు లోపల వెలుపల నిదె
యెరవుమాని చేరు టెన్నఁడోకాని
చ. 3:
భావించఁగ నొకబ్రహ్మాండంబే
జీవరాసులే సేసలివే
శ్రీవేంకటేశుఁడు సృష్టించినవాఁడు
యీవిధిఁ గని మను టెన్నఁడో కాని
