ఈ పుట ఆమోదించబడ్డది
రేకు: 0248-02 ముఖారి సం: 03-273 వైరాగ్య చింత
పల్లవి:
మొదలే తెలియవలె మోసపోక మానవలె
పదిలపు యోగికైనా బ్రహ్మకైనాను
చ. 1:
అలుగులపైఁ బడితే నాయాలు దాఁకకుండునా
కలికి సతుల చూపు కాఁడకుండునా
యిలఁ దోఁడుదొక్కితేను యెండించకుండునా(?)
చెలుల యిండ్లకుఁ బోతే చిక్కించకుందురా
చ. 2:
చిచ్చు గాఁగలించుకొంటే చిమిడించకుండునా
గచ్చుఁ బరస్త్రీలపొందు కాఁచకుండునా
తచ్చి విషము మింగితే తలకెక్కకుండునా
పచ్చి సతులవలపు భ్రమయించకుండునా
చ. 3:
తెగి సముద్రము చొచ్చితే లోఁబడకుండునా
మొగి నింతులమాటలు ముంచకుండునా
తగు శ్రీవేంకటేశ్వరుదాఁసుడై గెలిచితేనే
పగటున నివియెల్లా బంపుసేయకుండునా